Monday, June 25, 2007

عزيزة الفرحة

الشاكوش ع الكولمان
تحت الطرابيزة
ويا قلبى يا مخطوف بص وشوف
شجر الموز وشجر التين
طارحين اسافين
بطاطين صوف ف عز الصيف
والشاكوش ع الكولمان
تحت الطرابيزة
ريفو واسكين لعلاج القلب المسكين
المضحوك على دقنة ومن دقنوا
افتلو مشاعر
عبيلوا حلموا المسروق
ف قزايز بلية دوارة
ودوارة الدنيا دوارة
الشاكوش ع الكولمان
تحت الطرابيزة
وعزيزة الفرحة عزيزة
ناصر النوبى

الى جوزيف بعد ان زار السودان ورجع زعلان

مفيش فلوس
مفيش غموس
حسيس كتير
خليك حسيس يا جنابو
الحالة صعبة والظروف
كول فواتح كول مخلل
دى بطاطس باللمون
ودى جبنة بالبطاطس
ودى زيتونة بالزتون
ايامنا سودا يا جنابو
مفيش فلوس
مفيش غموس
حسيس كتير يا جنابو
ناس كتير فينا عابو
شباب كتير بدرى شابوا
حلمى خلل يا جنابو
قلت اسافر اهيا غربة فى كل حتة
اسبوع فى مركب ع السطوح
دة كفيل ودة عويل
روحت اسمر
رجعت ابيض يا جنابو
ناصر النوبى

Sunday, June 17, 2007

اى حاجة ممكن تكفى

ممكن تكفى

اى حاجة تكفيى
دى نظرة من عينك
او حتى بسمة من شفايفك كل حاجة
فى اللية دى و اللى فاتت لومتى فيا
وشكيتى منى ليا
بس عارفة شكوتك ارحم من سكاتك
لو زرت قلبى لو مرة واحدة
حتشوفى صورتك وسط روحى
بس زورى بخرى قلبى بهواك
ولعى شموعى اللى ماتت
السما تتطرح نجوم
والنجوم تعمل فرح
جواى مدنه
وضحتكتك هيا الادان
انتى فاكرة ان السما من غير بشر
ممكن تليل؟
ويطلع قمر ونجوم تنور!
لو شفتك سما انا الطير اللى راجع
انا الحضن الحنين
لو حتى تبعد او تنسى عشك
عينك سماى ممكن تكفى

ناصر النوبى 24 مايو 2007

الساعة تلاتة بعد نص الليل


الساعة تلاتة بعد نص الليل
لا شربت شاى ولا شربت قهوة
بس صاحى ايوة صاحى
قوليلى اعمل اية
ورد الجناين الطيور ع الشجر
النجوم ف السما كلوا صاحى
والليل طويل
عابرسبيل قرب لقلبك يناجى طيفك
افتحى الشباك وردى رحبى بضيفك
عارفك اصيلة تكرمى المشتاق
اطلع سلالمك فى غمضة عين
الساعة تلاتة بعد نص الليل
لا شربت شاى
ولا شربت قهوة
بس صاحى ايوة صاحى
ازاى انام وانت صاحية جوة قلبى ليل نهار
بالله جاوبى السؤال افتحى ف قلبك مكان
للى حبك وللى ضمك متقوليلى اعمل اية
دة انا مهما ابعد او اسافر احاول انسى
يندهلى موجك اعوم فى بحرك لو حتى اغرق
موجك فى قلبى وقلبى شطك
الساعة تلاته بعد نص الليل
وحشنى حضنك نفسى اشوفك
نفسى اضمك قوليلى اعمل اية
عبيتى قلبى بالدموع وف عيونى اديك فضتى

Tuesday, May 29, 2007

علامات الحب لابن حزم الاندلسى من كتاب طوق الحمامة




علامات الحب

اول علامة هى ادمان النظر والعين هى باب النفس الشارع
تانى علامة هى الاقبال بالحديث والانصات الية اذا تحدث
استغراب كل ما قد يأتى بة الحبيب وكانة عين المحال وخرق العادات
وتصديقة ولو كذب وموافقتة ووان ظلم والشهادة له وان جار
الاسراع بالسير نحو المكان الذى يكون فيه والتعمد وادنو منه
الاستهانة بكل شىء جليل يدعوا الى مفارقته
روعة تبدو على المحب عند رؤية من يحب فجأة وطلوعة بغتة
يجود المحب بكل ما يستطيع بة فكم بخيل جاد وجبان تشجع
وغليظ الطبع تطرب وجاهل تأدب وفقير تجمل وذى سن تفتى وناسك تفتك
وهذة العلامات تكون قبل استعار نار الحب
فأذا تمكن الحب
_تهوى الحديث مع من تحب
_التعمد لمس اليد عند المحادثة
_لمس ما امكن من الاعضا الظاهر
_شرب فضلة ما ابقه المحبوب بالاناء
علامات مضادة
الثلج اذا ادمن حبسه فى اليد فعل فعل النار
الفرح اذا افرط قتل
الغم اذا افرط قتل
الضحك اذا كثر واشتد اسال الدمع من العينين

تابع العلامات
__فأنك بينما ترى المحبين قد بلغا الغاية من الاختلاف
فلا تلبث ان تراهما قد عادا الى اجمل الصحبة
وسقط الخلاف وانصرفا فى ذلك الحين الى الى المضاحكة والمداعبة
فاذا رايت هذا من اثنين فلا يخالجك شك فى ان بينهما سرا من الحب دفينا
_ ومن علاماتة حب الوحدة والانس بالانفراد ونحول الجسم دون حد
_ السهر من اعراض المحبين
_ ومن اعراضة ايضا الجزع الشديد والحمرة المتقطعة تغلب علية
عندما يرى من اعراض محبوبة عنه ونفاره منه
_البكاء من علامات الحب فمنهم من هو غزير الدمع سريع البكاء
ومنهم من هو عزيز الدمع لكن قلبة يتفطر ويتقطع

؛_ سوء الظن
بين المحبين (النار فى بدء امها شرر ومن صغير النوى ترى الشجر
)

Sunday, May 27, 2007

القلوب بيد الرحمن

من كتاب طوق الحمامةلابن حزم الاندلسى المولود بقرطبة 994 من الميلاد
يقول بن حزم ان الحب اولة هزل واخرة جد دقت معانيه لجلالتها ان توصف فلا تدرك حقيقتها الا بالمعاناة
وليس بمنكر فى الديانة ولا بمحظور فى الشريعة اذ القلوب بيد االله عز وجل
وقد علمنا ان سر التمازج والتباين فى المخلوقات انما الاتصال والانفصال والشكل يستدعى شكلة والمثل الى مثلة ساكن
والله عز وجل يقول "هو الذى خلقكم من نفس واحدة وخلق منها زوجها ليسكن اليها
فجعل علة السكون انها منه ولو كان سبب الحب حسن الصورة الجسدية والشكل لوجب الا يستحسن الانقص من الصورة ونحن نجد كثيرا ممن يؤثر الادنى ويعلم فضل غيرة ولا يجد محيدا لقلبه عنه ولو كان للموافقة فى الاخلاق لما احب المرء من لا يساعده ولا يوافقه فعلمنا انه شىء فى ذات النفس وربما كاانت المحبة لسبب من الاسباب وتلك تفنى بفناء سببها
بن حزم الاندلسى

Friday, May 25, 2007

صورة من المريس مركز ارمنت سابقا الاقصر حاليا والدعوة عامة للجميع





دى صورة الحاجة ام عبد العزير ابو عمران من قرية المريس مركز ارمنت جمهورية مصر العربية سابقا تتعرض للتهجير القسرى علشان شويةمستثمرين غامضين لعمل المينا السياحى الضخم العملاق الفاتحة ا

المراكب مش بيوت والعيال لسة بتندة ع العيال

العيال تكبر تسافر العيال تكبر تهاجر والمراكب مش وطن

والبيوت زى قلوع مراكب تبحر تسافر يادوب تبان

الجبل مستنى حد يرجع والنخيل حران فى طوبة

والمراكب مش بيوت المراكب مش وطن

ناصر النوبى