عمى دياب زى الربابة حزين ولا عمرة فى قلبة دبلت الاغانى نظرة يا اهل الكرامات خلصت اغانى البطولات
عاش امبارح فرحان وتمر ايام واغانى وعمو دياب الغالى ع الدكة بيغنى لشوية سواح لاقصر بلدنا بلد سواح فيها الاجانب تتسوح بالاثار مليانة يا روكسر بالاثار مستعجب من حال الدنيا يحكى حواديت خضرة وابو زيد نار الخشب تنطفى ونار الحب متموتش اصل الربابة خشب متغرقشى يعنى انا لو مت انا ف حبك الربابة متغرقشى حافظة اغانى الوطن فاكرة الزمن وفى حضنى متنامشى لو طالعونى الجبل لاطلع على راسى لو قرشونى الحصى لاقرش على ضروسى لية ياحبايب تبيعونى رخيص وانا الغالى عمى دياب مواليد ارمنت اسمنت المريس مش على الخريطة المهم اصلا تبقى فية خريطة ركز فى وشة وبص الخد اسمر والعيون سودة والجبين بحرين تلاتة مية حلوة مية نيل دة وشة من زمان قبل الخريطة عمى دياب زى الهوا اللى بلا بيوت لكنه يحيى قلوب الحبايب مهما يسافر يعود طير م الطير الاصلية والطير بلا جناحات تسكن جحور التعالب
قلبى اتفطم ع الالم وشراع بيحرت فى نيل فدادين امل طارحين حنين من بعيد فاردة فى درعاتك ولما قرب منك لية تصدى؟
افتحى الابواب وردى؟ حر جايلك بالسلاسل حر جايلك بالصكوك افتحى الابواب وردى لونى اسمر لون ترابك شعرى ابيض وقلبى اخضر لسة فاكر ف العهودة لسة منسيتش الامانى اسألى خضرة الشريفة ؟ اسألى الست مريم اسألى الطاهرين جميعا
ناصر النوبى منصور
No comments:
Post a Comment